Abstract:
Мақалада авторлар ұмытылып немесе ескерілмей жүрген ғылым мен мəдениеттің өкілдерінің өмірі
мен шығармашылығын баяндай отырып, Шығыстың бай мұраларын зерделей келе, олардың əлемдік өркениетке қосқан үлесі мен орнын айқындауды мақсат етеді. Соның бірегейі — ХІ–ХІІ ғасырларда өмір сүріп, əділетсіздіктен ұмыт қалып жүрген, бірақ артына түрлі ғылым саласы (теология, лингвистика, логика) мен көркем əдебиет жанрларында (аңыз, байан, қасида) бай мұра қалдырған (50-ден астам шығарма) əз-Замахшари. Мақалада Замахшари жайлы ғалымдар ізденісінің негізінде оның кешенді зерттеу нысаны болмай келе жатқан өмірі мен шығармашылығының деректеріне шолу жасалды. Авторлар өз ойларын қорыта келе, Замахшари еңбектерінің араб тілінен аударылып, ғылыми айналымға түсіп, лингвистикалық, түркологиялық, оның ішінде қазақ тілінің тарихына қатысы анықталуы қажеттігін ғылыми мəселе етіп қояды.
