Abstract:
Мақалада Ақтау тауының дəрілік өсімдіктерінің түрлік құрамының жəне олардың практикада пайдаланылу мүмкіндігі бағаланды. Ақтау тауының климаты күрт континенталды, бұл тəуліктік, мезгілдік жəне жылдық температуралардың ауытқуымен жəне ылғалдың жетіспеушілігімен байланысты. Ақтау тауы құрғақ далалы өсімдіктер типімен сипатталады. Зерттелетін түрлерді анықтау бойынша экспедициялық зерттеулер маршрутты-рекогносцирлік əдістер арқылы жүргізілді. Нəтижесінде Ақтау тауының дəрілік өсімдіктерінің түрлік құрамы жəне систематикалық сипаттамалары анықталды. Тау территориясында дəрілік өсімдіктердің 57 тұқымдасқа жəне 81 туысқа жататын 115 түрі табылды. Систематикалық жағынан пайдалы түрлердің көпшілігі күрделігүлділер тұқымдасына, екінші орында раушангүлдер, ары қарай ерінгүлдер, астық тұқымдастар, қияршөптер, шатыргүлдер жəне басқалары құрады. Сондай-ақ дəрілік өсімдіктерінің түрлерінің өмірлік формалары мен экологиялық топтары зерттелді, олардың практикада пайдаланылу мүмкіндігі анықталды. Алынған мəліметтер ары қарай Қазақстанның əр түрлі өнеркəсіптік салалары үшін дəрілік өсімдіктердің шикізат қорын жинауға жəне өндіріске пайдасы тимек
