Abstract:
Мақалада Теріскей Алатауындағы дəрілік өсімдіктердің таралуы, өсу ортасы анықталған. Зерттеу
ауданында дəрілік өсімдіктердің таралу ерекшеліктері біркелкі таралмағандығы анықталды. Жотаның
өсімдіктер жамылғысы жəне ондағы түрлердің таралуы зерттеу ауданының географиялық жағдайына,
биіктік белдеулерге, олардың өсу ортасына, экологиялық жағдайларына тікелей байланысты. Мысалы,
тауаралық аңғарларда: ағашты, бұталы жəне шөптесін өсімдіктердің көптеген түрлері кездеседі.
Зерттеу аймағының дала белдеуінде шалғындық астықтұқымдастар кең таралған. Шалғын түзуші
түрлер: Phleum phleoides, Dactylis glomerata, Bromopsis inermis, Elytrigia repens, Аgrostis vinealis,
Elymus туысының кейбір түрлері жəне т.б. Нағыз далалы-шалғынды аймақтарының өсімдіктер
жамылғысы əртүрлі шөптесін өсімдікті-астықтұқымдасты жəне селеулі-шымды астықтұқымдасты
өсімдіктер қауымдастықты сипатқа ие: Stipa capillata, Festuca valesiaca, Helictotrichon desertorum,
Koeleria cristatа, сондай-ақ қауымдастыққа Agropyron pectinatum, Ajania fastigiata жəне т.б. Далалық
шөптесін өсімдіктерден төмендегідей түрлер кездеседі: Salvia stepposa, Achillea millefolium, Medicago
falcata, Potentilla asiatica, Scabiosa isetensis жəне т.б.
