Шетелдегі қазақ əдебиетінің даму барысы

Abstract

Мақалада бүгінде қазақ сөз өнерінің асыл арнасын құрап отырған шетел қазақ əдебиетінің даму барысы мен зерттелу үрдісі қарастырылды. Атамекеннен тыс жерлерде ғұмыр кешіп жатқан қандастардың əдеби-мəдени жетістіктерінің ерекшеліктері мен көріністеріне сипат берілді. Қазақ əдебиеті игілігіне жұмыс атқарушы қайраткерлердің бірқатар еңбектері басшылыққа алынды. Қытайдағы қазақ əдебиетінің көркемдік-эстетикалық даму бағытын, тақырыптық-идеялық өзегін екшеген ғылыми еңбектер талданды. Соның ішінде мақалада Ақыт Үлімжіұлы, Таңжарық Жолдыұлы сияқты ұлт игілігі үшін ғұмыр кешіп, əдебиетімізде өшпес із қалдырған ақындардың шығармалары талданып, алты томдық «Қылмыс» романын жазған Қытайдағы қазақ əдебиетінің негізін салушылардың бірі — Қажығұмар Шабданұлының шығармашылығы мен өмірінің кейбір тұстары жайлы айтылды. Қазіргі қазақ əдебиетінің көркемдік өркендеуіне айрықша үлес қосып отырған шетелдегі қазақ əдебиетінің өзіндік сипаты екшеленді.