Abstract:
Мақалада қазақ қыздарының арасынан шыққан алғашқы инженер-металлург, 1950 жəне 1954
жылдарғы КСРО Жоғары Кеңесінің депутаты болған Зылиха Нығметқызы Сəбитованың өмірі мен
еңбек жолдарының кейбір қырлары баяндалды. Ресейдің Астрахань губерниясында дүниеге келіп,
орта мектепті Алматыда, жоғары оқу орнын Мəскеуде бітірген З.Н. Сəбитованың Қазақстанның
Балқаш қаласындағы тау-кен металлургия комбинатындағы еңбек еткен жылдары қарастырылды.
Авторлар З.Н. Сəбитованың Балқаш қаласындағы № 1 құю цехында инженер-технолог болып жұмыс
істеген кезіндегі оның шихта картасын жасауы арқылы, өндіріс өнімі көлемінің ұлғаюына қосқан
үлесі, сондай-ақ инженер-технолог болып істеген кездегі қолжеткен технологиялық жеңістердің
кейбірін нақты мысалдармен көрсетуге тырысады. Сирек мұрағат деректерін пайдалана отырып,
З.Н. Сəбитованың депутат болған кездегі атқарған істері, шетелдік сапары туралы баяндалды.
