Металл емес бұйымдардың беттеріне қондырылған алтын, күміс жəне мыс нанобөлшектерінің бактерицидтік қасиеттерін зерттеу

Abstract

Мақалада алтын, мыс жəне күміс металдарының бактерицидті қасиеті зерттелді. Бактерицидті қаптамалардың ерекшелігі — олардың қаттылық деңгейінің жəне тазалық сақтау қасиетінің жоғары екендігінде. Зерттеу жұмысында үлгі ретінде мақта матасы алынды. Алынған мақта мата үлгісіне алтын, күміс жəне мыс иондары фотохимиялық жолмен қондырылып, олардың бактерицидті қасиеті зерттелді. Алтынның, күмістің жəне мыстың иондары металл емес материал бетіне енген соң, ол өзінің қасиетін сақтап тұратындығы белгілі. Мұндай қаптамалар мыңдаған бактерияларды жоюға қабілетті. Үлгілер алтын, күміс жəне мыс ерітіндісіне 1–3 мин салынып, одан кейін күн көзіне кептіру жолымен дайындалды. Өңделген үлгілердің бактерицидтік қасиетін зерттеу үшін екі түрлі жолмен зерттеу жұмысы жүргізілді: біріншіден, фотохимиялық жолмен өңделген үлгінің қалыпты жағдайдағы бактерицидтік қасиеті, ал, екіншіден, бетінде қаптауы бар үлгіні 3–5 рет дистилденген сумен жуылып болғаннан кейінгі бактерицидтік қасиеті. Фотохимиялық жолмен өңделген үлгілердің бетінде алынған алтын, күміс жəне мыс нанобөлшекті қаптамалар құрылымы заманауи қондырғы растрлі электронды микроскопта бақыланды. Зерттеу барысында фотохимиялық жолмен алынған алтын, күміс жəне мыс қаптаулары бар үлгілердің бактерицидтік қасиеті жоғары болатындығы анықталды.