Abstract:
Мақсаты: Зерттеудің мақсаты мемлекеттік аудиттің тиімділігін арттыру және орнықты даму мақсаттарына (ОДМ) қол жеткізу контексінде ведомствалардың өзара әрекеттестікті және халықаралық ынтымақтастықты жақсарту жөніндегі ұсынымдарды әзірлеу.
Әдісі: Зерттеу барысында нормативтік құжаттарды талдау әдістері, сондай-ақ мемлекеттік бағдарламалар мен жобалардың іске асырылуына қатысты деректерді зерттеу қолданылды. Орнықты даму мақсаттарының (ОДМ) орындалуына қатысты статистикалық деректерді талдау ағымдағы практикалардың тиімділігін
бағалауға, негізгі өзекті мәселелерді анықтауға және оларды жақсартуға арналған ұсынымдарды әзірлеуге мүмкіндік берді.
Қорытынды: Зерттеу барысында Қазақстандағы мемлекеттік аудитті қалыптастырудың негізгі кезеңдері анықталып, табысты тәжірибелер мен түзетуді қажет ететін мәселелер талданды. Халықаралық ынтымақтастық пен ведомствааралық өзара әрекеттестіктің мәселелеріне ерекше назар аударылды.
Тұжырымдама: Жүргізілген талдау мемлекеттік аудит бюджет қаражатын тиімді пайдалану және орнықты даму мақсаттарына қол жеткізу үшін маңызды құрал болып табылатынын көрсетеді.
