Abstract:
Мақала сүтті өңдеудің электроимпульсті əдісіне арналды. Өнімді өңдеу үшін цилиндр пішінді шыны
ұяшықтан жəне жұмыстық электродтан тұратын жұмыс арнасы құрастырылды. Сұйық өнімнің
көлемінде импульсті разрядтың өтуін іске асыру үшін жұмыстық электродтар коррозияға жоғары
төзімді, берік, экологиялық қауіпсіз металдан дайындалды. Жұмыс арнасы электроимпульсті
технологияның əр түрлі электрлі жəне геометриялы параметрлерінде сынақтан өткізілді. Сынақтар
электроимпульсті қондырғыдағы конденсатор батареясының сыйымдылығы 0,25 мкФ, жұмыстық
разрядаралық қашықтық 5 мм жəне разряд импульстары санын 100÷1500 аралығына өзгерте отырып,
орындалды. Тəжірибелік зерттеулер кезінде сүттің құрамына импульсті разрядтың əсері зерттеліп,
өнімнің микробиологиялық құрамы анықталды. Табиғи сүтті электроимпульсті өңдеу жұмыстарынан
алынған үлгілерінің құрамындағы уытты элементтер, радионуклидтер, пестицидтер, патогенді
микроағзалар, ішек таяқшасы тобы бактериялары, мезофильді аэробтық жəне факультативті
анаэробты микроағзалар Қарағанды қаласының «Ұлттық сараптау жəне сертификаттау орталығы»
Акционерлік қоғамында зерттелді. Алынған нəтижелерден электроимпульсті əдіспен өңделген
өнімнің құрамын бастапқы шикізаттың құрамындағы құнды құраушылармен салыстырғанда майдың
жəне ақуыздың массалық үлесі сақталатыны байқалды.
