Abstract:
Мақалада аталған кезеңде Орталық Қазақстандағы металлургия жəне тау-кен саласындағы
жұмысшылардың хал-ахуалы қарастырылған. Төңкеріске дейінгі, кеңестік жəне тəуелсіз Қазақстан
жағдайында жарық көрген авторлардың осы аталған мəселеге байланысты еңбектері сараланып,
пайдаланылған. Авторлар статистикалық материалдар арқылы жұмысшылардың сандық құрамын
көрсетеді жəне олардың жағдайы жайлы баяндайды. Замана кезеңдеріне сəйкес күнделікті өмірдегі
сол заманның куəгерлерінің естеліктері де келтірілген. Əсіресе қарастырылып отырған уақыттағы
өндіріс орындарында қызмет қылған техникалық мамандар мен басқа да лауазымды адамдар жайлы
тарихи құжаттар мен мəліметтер өте маңызды.
