Abstract:
Мақалада болашақ кəсіптік оқыту педагогтарын даярлаудың ерекшеліктері мен мазмұны өзектілігі
қарастырылған, кəсіптік оқыту əдістемесі (мамандануы бойынша) зерттеу пəнін өз деңгейінде ашу үшін
қойылған міндеттеріне сəйкес теориялық бiлiм мен кəсіби білiктерiнің, дағдыларының талдау, жұмыс
жүргізу қажеттілігі анықталды. Кəсіптік оқыту əдістемесінің негізі — бұл кəсіптік оқыту
педагогтарын дайындау жүйесіндегі жалпытехникалық жəне арнайы пəндерді оқытудың бірі, яғни
педагогика, психология жəне техника мен өнеркəсіп технологиясындағы қазіргі ғылыми жетістіктеріне
негізделген. Болашақ кəсіптік оқыту педагогтарының даярлықтарын үнемі жетілдіріп отырудың қажетті
шарты жоғары оқу орындарынан шығатын маманның өндірістің талаптарына сəйкес келуі болып табылады.
Даярлау мəселесі теория мен оқыту практикасындағы зерттелу деңгейiн талдау негізінде ұсынылған жəне
білім беру жүйесінде болашақ кəсіптік оқыту педагогтарын даярлаудың жағдайына талдау жасау арқылы
кəсіби-техникалық жəне педагогикалық сапалары үйлесетін маман даярлау қажеттілігін негіздейді.
Авторлар кəсіптік оқыту педагогтарының кəсiби даярлығы өз алдына дербес‚ бiрақ бiр-бiрiмен тығыз
байланысып‚ астасып жататын ұйымдастыру- технологиялық, өндірістік-басқару, жобалау,
ғылыми-зерттеу жəне білім беру даярлықтарын
бiрiктiретiн көпжақты жүйе болып табылатындығын көрсеткен.
