Abstract:
Мақалада ел тарихының аумалы-төкпелі шағында өмір сүрген, айбынды жырларымен қазақ поэзиясында өзіндік қолтаңба қалдырған, ақиық ақын, айтыс өнерінің алтын діңгегі атанған Сүйінбай Аронұлының шығармашылығы талданды. Батырлық пен ерлікті, ел мұңы мен мұқтажын жырлаған ақынның
жырларындағы көркемдік-идеялық сипаттар анықталды. Сүйінбай Аронұлының жырлаған өлең-жырларында, айтыс-дастандарында ерлік рух пен елдік идеясы болашаққа нық қадам басқан егемен еліміздің
мұратымен, Елбасы белгілеп берген «Мəңгілік Ел» идеясымен сабақтасып, ақын армандаған бүкіл Алаш баласын бір тудың, бөрілі байрақтың астына біріктірсем деген аңсар- арманының, туған елін, халқын ынтымаққа, бірлікке, тəуелсіздікке шақырған үмітінің орындалып,шынайы тəуелсіз болған шағымызда жүзеге асып жатқаны айқындалды.
