Abstract:
Мақалада мемлекеттік бағдарламалар мен жобаларды бағалаудың қазіргі замандағы қажеттілігі
салыстырмалы түрде қарастырылған. Еліміздің стратегиялық даму келешегін іске асыруға бағытталған
Қазақстан Республикасының 2010–2016 жылдардағы мемлекеттік бағдарламалардың
саны анықталған. Авторлардың пікірінше, ел дамуы келешегінің мемлекеттік бағытына қарай мемлекеттік
бағдарламалар саны тəуелді түрде жыл сайын өзгеріп отырады. Білім, денсаулық сақтау, тілдерді
дамыту жəне индустриализация салаларында мемлекеттің келешегі үшін бекітілген 8
мемлекеттік бағдарламалар талдаған. Ұлттық экономика министрлігінің жəне Республикалық
бюджеттің орындалуын бақылау жөніндегі есеп комитетінің мəліметтері негізінде, Қазақстан
Республикасын үдемелі индустриялық-инновациялық дамыту жөніндегі 2010–2014 жылдарға арналған
мемлекеттік бағдарламасының тиімділігіне бағалау жүргізген. Индустриализация картасының
республикалық жобалары Қазақстан Республикасының аймақтары шеңберінде
қарастырылған. 2010–2014 жылдардағы республикалық маңызы бар жобалар көбінесе Астана қаласында,
Жамбыл, Қарағанды, Павлодар жəне Маңғыстау облыстарында іске асырылғандығы туралы баяндалған.
Сондай-ақ 2015–2019 жылдары жобалардың басым бөлігі Павлодар жəне Атырау облыстарында
жоспарланғаны анықталған. Авторлар мемлекеттік бағдарламалар мен
жобалардың сапалы жəне тиімді дайындалуы мен іске асуы бойынша туындайтын
негізгі
мəселелерді анықтаған.
